Questra jáne Asset qarjy piramidalarynan zardap shekken azamattar tez arada politsiia habarlasqany jón, dep habarlaidy Polisia.kz.
IIM Tergeý departamenti Qazaqstannyń jáne ózge elderdiń jekelegen azamattaryna qatysty 2016-2017 jyldary el aýmaǵynda «Questra Holding ins», «Questra World», «Atlantic Global Asset Management», «five Winds Asset Managent» atty qarjy piramidasyn qurý faktisi boiynsha sotqa deiingi tergeý júrgizip jatyr.
Qarjy piramidasynyń basshylary internet jelilerinde veb-saittar quryp, oidan shyǵarylǵan túrli investitsiialyq portfelder satqan. Alaiaqtar portfeldiń merzimi aiaqtalǵanda 300% deiin paida tabasyz dep jalǵan ýádeler bergen.
El aýmaǵynda alaiaqtardan myńdaǵan qazaqstandyq zardap shekti, olarǵa kelgen shyǵyn 1 mlrd teńgeden asyp túsken. Tamyz aiynda qarjy piramidasy basshylarynyń biri, Resei azamaty Olga Kleinard Belarýs elinen ekstraditsiialandy jáne sotqa deiingi tergeý qaita bastaldy.
Osyǵan bailanysty tergeý organy «Questra Holding ins», «Questra World», «Atlantic Global Asset Management», «five Winds Asset Managent» kompaniialar tobynyń alaiaqtyq qyzmetinen zardap shekkenderdiń barlyǵyn IIM-ge (Nur-sultan qalasy, Táýelsizdik dańǵyly, 1 mekenjaiyna nemese turǵylyqty jeri boiynsha politsiia departamentine habarlasýdy suraidy.
Ishki ister ministrligi azamattardy sergek bolýǵa jáne ońai jáne tez paida tabý týraly ýádelerge senbeýge jáne osyndai jaǵdailardyń barlyǵyn dereý politsiia organdaryna habarlaýǵa shaqyrady.
