Qostanai oblystyq politsiia departamenti Jitiqara qalasynda tártip saqshylarynyń mas kúiinde júrgen qala turǵynyn kúshtep ustap jatqan sáti túsirilgen videoǵa qatysty túsinikteme berdi, dep habarlaidy "Ult aqparat".
Messendjerlerde úsh er adam, eki áiel jáne bir balanyń qatysýymen bolǵan video taralyp jatyr. Onda úsh er adamnyń janjaldasyp turǵan sát túsirilgen. Videodaǵy eki er adam – politsiia qyzmetkerleri úshinshi er adamdy kúshtep alyp ketpek bolǵany túsirilgen. Sol ýaqytta áielderdiń biri buny taspaǵa túsirip jatsa, ekinshisi kúieýin politseilerden arashalap almaq bolyp turǵan. Bul rette áńgime barysynda boqaýyz sózder aityldy. Tártipsizdiktiń barlyǵy kishkentai balanyń kóz aldynda boldy.
Politsiianyń málimetinshe, qazirgi kezde politsiia qyzmketkerleriniń qoǵamdyq jerde mas kúiinde júrgen azamatty ustap jatqany túsirilgen videony taratý faktisi boiynsha tekserý júrgizilip jatyr.
«Patrýldik politseilerdiń Jitiqara qalasynyń 39 jastaǵy azamatyn ustaý kezindegi áreketiniń zańdylyǵyna baǵa beriledi. Qazirgi kezde tártip buzýshyǵa qatysty qoǵamdyq jerde mas kúiinde júrip, boqaýyz sóz aitqany úshin usaq buzaqylyq faktisi tirkelip, QR Ákimshilik quqyqbuzýshylyq týraly kodeksiniń 434-baby boiynsha ákimshilik hattama toltyryldy.
Jitiqara aýdany politsiia bóliminiń bastyǵy Bolat Imanov janjal qatysýshylarymen kezdeskenin atap ótti.
«Politsiia qyzmetkerlerine qatysty tártiptik óndiris bastaldy, sondai-aq jetonnan túsirilgen video zertteledi», - dep túiindedi politsiia qyzmetinde.
