Foto: baigenews.kz
Politseiler aýa raiynyń qolaisyzdyǵynan trassada qalyp qoiǵan 800-ge jýyq avtokólikti Astanaǵa jáne Pavlodar oblysymen shekaraǵa deiin alyp júrdi, dep habarlaidy "Ult aqparat" Polisia.kz Telegram-arnasyna silteme jasap.
"Qarly boran saldarynan oryn alatyn jol-kólik oqiǵalaryn boldyrmaý maqsatynda osy jyldyń 12 qańtarynda Astana – Ereimentaý – Shiderti respýblikalyq trassasyn jabý týraly sheshim qabyldandy. Politsiia nariadtary jáne basqa da quzyretti organdar kúsheitilgen qaýipsizdik sharalaryn qabyldady: blok beketter qoiyldy, jaqyn mańdaǵy eldi mekenderde jylytý pýnktteri belgilendi, qosymsha ekipajdar engizildi. Joldyń jabylýy men qarly burqasynǵa bailanysty kólikterdiń jinalýy paida boldy.
13 qańtarda politsiia departamentiniń basshylyǵy patrýldik politsiia rotasynyń ekipajdarynyń kólikter tizbesin bir tizbekpen alyp júrýin qamtamasyz etý týraly sheshim qabyldady" - delingen habarlamada.
Kúni boiy politsiia ekipajdary elordadan Pavlodar oblysynyń shekarasyna deiin 300-ge jýyq kólik quralyn, sondai-aq 500 avtokólikti Pavlodar oblysynan Astanaǵa deiin keri baǵytta alyp júrgen.
