Almaty oblysyndaǵy Talǵar aýdanynyń politseileri suńqar tektes jyrtqysh qusty zańsyz alyp júrgen almatylyq júrgizýshini ustady, dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, QR Qylmystyq kodeksiniń 339-babyna sáikes qylmystyq is qozǵaldy qus tárkilenip, Almaty qalasynyń haiýanattar baǵyna tabystalǵan.
«Almaty oblysy aýmaǵynda júrgizilgen «Brakoner» jedel aldyn alý is-sharasy barysynda Talǵar aýdanynyń tártip saqshylary arnaiy reid júrgizip, Almaty qalasynyń 23 jastaǵy turǵyny kóliginde óte sirek kezdesetin jyrtqysh qusty eshqandai ruqsatsyz ákele jatqanyn anyqtaǵan.
Tuqymy joǵalý qaýpi tóngen qustyń suńqar ekeni dáleldenip, ol birden haiýanattar baǵyndaǵy tiisti mamandardyń qolyna tapsyryldy. Sotqa deiingi tergeý amaldary kezinde kúdiktiniń aitqan dáiekteri tekseriletin bolady. Kúdikti mekenjaiyn ózgertpeý týraly mindettememen bosatyldy«,- dedi Almaty oblysy PD Jergilikti politsiia qyzmeti basqarmasynyń aǵa inspektory Erlan Qojaqov.
