Tailandtaǵy Lopbýri provintsiiasyndaǵy Tha Lýang qalasynda tártip saqshylary esirtki satty jáne internet arqyly zańsyz qumar oiyn uiymdastyrdy degen kúdikke ilingen er adamdy ustady, dep habarlaidy ult.kz.
Arnaiy operatsiia barysynda alty politseidiń beseýi er adam bola tura, kóshe festivalindegi bishilerdiń kiimin kigen. Jergilikti BAQ málimetinshe, kúdikti mereke kezinde qorshaýǵa alynǵan.
Tekserý barysynda er adamnyń janynan 53 dana metamfetamin tabletkasy jáne esirtkini oraýǵa arnalǵan 200-den astam plastik paket tabylǵan. Qazir ol qamaýǵa alynǵan.
Aita keteiik, Tailand politsiiasy buǵan deiin de osyndai ádisterdi qoldanǵan. Máselen, Bangkokte Jańa jyl merekesi kezinde birneshe politsei alyp arystannyń kostiýmin kiip, urlyq jasady degen kúdiktini ustaǵan edi.
