Planetanyń árbir júzinshi turǵyny - bosqyn. Olardyń sany sońǵy onjyldyqta eki esege ósti jáne búginde 82 millionnan asyp otyr, dep habarlaidy Euronews.
BUU esebinde migranttardyń kóp bóligi «ishki qonys aýdarýshylar», iaǵni óz elderinde bosqyndarǵa ainalǵandar ekeni atap ótilgen.
BUU-nyń bosqyndar isi jónindegi joǵarǵy komissary Filippo Grandidiń aitýynsha, kóshi-qon máselelerine qaraǵanda, ishki qonys aýdarýshylar túitkilderin sheshý qiyn, óitkeni olar qarýly qaqtyǵys jaǵdaiynda tirshilik keship jatyr. «Iemen týraly, Tigrai týraly, Aýǵanstan týraly oilańyz. Trend, odan ári ósý tendentsiiasy bar Bul bizdi qatty alańdatady. Osy esepte ishki qonys aýdarýshylar sany shamamen 50 millionǵa jýyqtady», - deidi ol.
Bosqyndardyń kópshiligi - siriialyqtar. Olardyń sany 6,8 mln. Ekinshi orynda - palestinalyqtar, úshinshi orynda - venesýelalyqtar. Ońtústik Sýdanmen jáne Mianmamen birge osy bes eldiń azamattary bosqyndardyń úshten ekisin quraidy.
Al, álemdegi migranttardyń 42%-y kámeletke tolmaǵan balalar bolyp otyr.
