"Soltústik Koreia AQSh-pen iadrolyq qarýsyzdaný boiynsha kelissóz júrgizbeidi" dep málimdedi Soltústik Koreianyń BUU-daǵy elshisi Kim Song. Bul týraly Reuters aqparat agenttigi habarlady.
“Bizge AQSh-pen uzaq kelissóz júrgizýdiń qajeti joq” dedi Song.
Phenian ókiliniń oiynsha, AQSh bul kelissózdi ishki saiasaty men sailaý aldynda upai jinaýǵa paidalanǵysy keledi.
Sondai-aq búgin, 8 jeltoqsanda Phenian Sohe raketa poligonynda “óte mańyzdy synaq júrgizgenderin” málimdedi. CNN telearnasy spýtnikten túsirilgen sýretterdi negizge ala otyryp, Soltústik Koreia Sohe poligonynda zymyrandardy synaýdy qaita qolǵa alý úshin daiyndyq júrgizgenin habarlady.
2018 jyldyń maýsymynan beri AQSh Prezidenti Donald Tramp pen Soltústik Koreia lideri Kim Chen Yn úsh ret kezdesip, Soltústik Koreiany iadrolyq qarýsyzdandyrý máselesin talqylaǵan. Biraq kezdesýlerden nátije shyqpady.
Biylǵy mamyrdan beri Phenian kem degende 13 ret raketa synaǵan.
