Foto: Kólik ministrligi baspasóz qyzmeti
«Eir Astana» AQ («Kompaniia», jáne enshiles kompaniiasy FlyArystan-men birge «Top») Direktorlar keńesi Piter Foster 2026 jyldyń naýryzynyń sońynda Bas atqarýshy direktor jáne Direktorlar keńesiniń múshesi qyzmetterinen ketetinin habarlaidy. Myrza Foster Kompaniiamen bailanysyn saqtap, Direktorlar keńesiniń aǵa keńesshisi retinde óz qyzmetin jalǵastyrady, dep habarlaidy Ult.kz.
Qarjy jónindegi atqarýshy direktor Ibrahim Janlyel osy kezeńde Bas atqarýshy direktor qyzmetine taǵaiyndalatyn bolady.
«Eir Astana» AQ Direktorlar keńesiniń tóraǵasy Nurlan Jaqupov:
"Direktorlar keńesi Piter Fosterge Kompaniiany 20 jyl boiy basqarýdaǵy eren eńbegi úshin shyn júrekten alǵys bildiredi – ol Kompaniiany qurylǵan kezeńinen bastap búgingi tańda Qazaqstan men Ortalyq Aziianyń jetekshi áýe kompaniiasyna jáne álemdik aviatsiia salasynda moiyndalǵan brendke deiin jetkizdi.
Direktorlar keńesi Ibrahim Janlyeldiń Bas atqarýshy direktor qyzmetine taǵaiyndalýyn quptaidy. Myrza Janlyel 2003 jyldan beri Air Astana tobynyń quramynda jumys istep keledi: bastapqyda kommertsiialyq baǵyttaǵy basshylyq qyzmetterdi atqaryp, 2017 jyldan beri qarjy jónindegi atqarýshy direktory laýazymyn ielenip keledi. Onyń Kompaniianyń damýyna qosqan úlesi zor, ári ol Toptyń qyzmeti men jalpy aviatsiia salasy boiynsha mol tájiribege ie.
Direktorlar keńesi onyń basshylyǵymen Kompaniianyń ósýi men jańa jetistikterge jetetinine tolyq senimdi", - delingen habarlamada.
