Pigý salyǵy Qazaqstanda baspana baǵasyn arzandata alady. Mundai pikirdi Qazaqstan Prezidentiniń Joldaýyn talqylaýǵa arnalǵan jiynda «Memlekettik ǵylymi-tehnikalyq saraptamalar ulttyq ortalyǵy» AQ-nyń vitse-prezidenti Jaqsylyq Sábitov bildirdi, dep habarlaidy "Ult aqparat".
«Bizde, Qazaqstanda keibir adamdar jyljymaityn múlik salasynda bir kireberiske tolyqtai ielik etedi. Iaǵni, olar jyljymaityn múlikti investitsiia retinde qarastyrady. Al Batysta mundai joq. Óitkeni, seniń jyljymaityn múlkiń kóp bolsa, salyqty da kóp tóleisiń», - dedi ol.
Osy oraida sarapshy elimizdiń jyljymaityn múlik salasyna Pigý salyǵyn engizý qajet dep sanaidy.
«Pigý salyǵynyń túpki máni de sonda. Jyljymaityn múlkiń kóp bolǵan saiyn salyqty da molynan tóleisiń. Eger Pigý salyǵyn bizdiń jyljymaityn múlik salasyna engizetin bolsaq, onda baspana baǵasy 15-20 paiyzǵa quldyrar edi. Óitkeni, bir kireberisti tolyǵymen ielik etip otyrǵan oligarhtar ekonomikalyq turǵyda tiimiz bolǵandyqtan satýǵa májbúr bolar edi», - dedi Jaqsylyq Sábitov.
1877-1959 jyldary aralyǵynda ómir súrgen aǵylshyn ekonomisi Artýr Pigýdyń qurmetine orai Pigý salyǵy dep atalǵan salyq túri qorshaǵan ortaǵa teris áserlerdi qysqartý úshin qoldanylǵan.
