Pfizer men Moderna farmatsevtika kompaniialary Eýroodaq úshin koronavirýsqa qarsy vaktsinanyń baǵasyn kóterdi, dep habarlaidy Euronews.
Britandyq Financial Times gazetiniń habarlaýynsha, endi Pfizer-diń bir dozasy 19,50 eýro turady, budan buryn onyń quny 15,50 eýro bolǵan. Osylaisha, nemis-aǵylshyn vaktsinasy 25%-ǵa qymbattaǵan.
Osy ýaqytta Moderna preparatynyń bir dozasy 19-dan 21,50 eýroǵa deiin kóterildi.
Óndirýshilerdiń aitýynsha, synaqtyń úshinshi kezeńi vaktsinanyń mRNQ-sy vektorlyq preparattarǵa qaraǵanda tiimdirek ekenin kórsetken. Odan bólek, AstraZeneca men Johnson&Johnson arzan vaktsinalaryna qaraǵanda, janama áserlerdiń paida bolý qaýpi tómenirek bolyp shyqty.
Financial Times jýrnalisteri Eýroodaqtyń vaktsinalardy jańa baǵamen alýǵa keliskenin anyqtady.
Preparattyń qunyn qaita qaraý birqatar Eýropa elderiniń halyqqa vaktsinanyń eki dozasyn saldyrǵannan soń jarty jyl ótkennen keiin úshinshi dozany saldyrý jóninde sheshim qabyldap jaqtan tusta júrgizildi.
