Pfizer amerikalyq kompaniiasy tamyzdan bastap vaktsinanyń úshinshi dozasyn saldyrýǵa ruqsat almaq, - dep habarlaidy Tengrinews.kz portaly Reuters agenttigine silteme jasap.
Farmkompaniia ókilderi biyl tamyzdan bastap úshinshi dozany shuǵyl túrde qoldanýǵa ótinim jazatyndaryn atap ótti. Osyǵan bailanysty Pfizer Inc. COVID-19 vaktsinasyn satý boljamyn 29 paiyzǵa - 33,5 milliard dollarǵa arttyrdy.
Pfizer jariialaǵan jańa esepke sáikes vaktsinanyń úshinshi dozasy adam aǵzasyndaǵy antidene sanyn kóbeitedi.
Mundai málimetti óndirýshiler koronavirýsqa qarsy vaktsinanyń úshinshi dozasyn alǵan 18-55 jastaǵy adamdardyń málimetine sáikes shyǵarǵan. Alty aidan keiin vaktsinanyń úshinshi dozasyn salǵannan keiin antidene 5 ese ósken.
Odan bólek, óndirýshilerdiń aitýynsha, Pfizer/BioNTech vaktsinasnyń úshinshi dozasyn saldyrǵan 65-85 aralyǵyndaǵy adamdar "delta" shtamyna qarsy antidene 11 ese ulǵaiǵan.
Pfizer kompaniiasynyń ókilderi úshinshi dozadan keiin "delta" shtamyn beitaraptandyrý 100 ese bolýy múmkin ekenin aitady. Alaida bul málimet retsenziialanbaǵan jáne ǵylymi basylymdarda jariialanbaǵan, sondyqtan ázirge bul óndirýshilerdiń ózderi jasaǵan málimdeme.
