Petropavlda qurylysy bastalǵan infektsiialyq modýldi aýrýhananyń irgetasy quiylyp bitýge jaqyn. Mamandardyń jospary boiynsha ǵimarat 1 qazan paidalanýǵa berilse, tehnologiialyq qondyrǵylary 19 qazanǵa deiin ornatylmaq, dep habarlaidy "Ult aqparat".
SQO boiynsha qurylys, sáýlet jáne qala qurylysy basqarmasynyń málimetinshe, tez turǵyzylatyn modýldi aýrýhana 200 orynǵa shaqtalǵan. Onyń 180-i statsionarlarda, qalǵany qarqyndy terapiia palatalarynda bolady. Ǵimaratta ákimshilik, meditsinalyq blok, qabyldaý-diagnostika bólimshesi, ota jasaý blogy bar jansaqtaý bólimshesi jáne bir-birimen bailanysqan 5 palatalyq bólimshe ornalaspaq. Bólmeler úsh, eki jáne bir oryndyq bolmaq.
Nysannyń jalpy aýmaǵy – 6800 sharshy metr. Qurylysty «KAZPACO» JShS-i júrgizip jatyr. Astanalyq kompaniia buǵan deiin dál osyndai ǵimarattardy Nur-Sultan, Almaty, Shymkent qalalarynda turǵyzǵan eken.
«Qurylys tamyz aiynda bastaldy. Jospar boiynsha 1 qazan ǵimarat salynyp bitedi. 19 qazanǵa deiin qajetti tehnologiialyq qondyrǵylar ornatylady. Ǵimaratty salýda arnaiy bloktar paidalanylady. Ol material Nur-Sultan qalasyndaǵy Modex innovatsiialyq zaýytynda ázirlenedi. Qurylys alańyna daiyn kúiinde jetkiziledi», - deidi SQO boiynsha qurylys, sáýlet jáne qala qurylysy basqarmasy basshysynyń orynbasary Qairat Mustafin.
Búginge deiin ǵimarat irgetasynyń 90% quiylyp, 56 bloktyń 20 ornatylǵan. Ishki jáne syrtqa jeliler tartylyp jatyr. Qazir qurylysqa 200-ge jýyq adam tartylǵan.
