Petropavldaǵy jataqhanada gaz ballonynyń jarylýynan zardap shegip, jansaqtaý bólimine túsken boijetken on kúnnen keiin qaitys boldy, dep habarlaidy "Ult aqparat".
Soltústik Qazaqstan oblysy tótenshe jaǵdailar departamenti baspasóz qyzmetiniń málimetinshe, 1999 jyly týǵan qyz 1 naýryz kúni saǵat 23.35 minýtta jansaqtaý bóliminde qaitys boldy.
Onyń denesiniń 65 %-y kúiip qalǵan edi.
Esterińizge salaiyq, 21 aqpan kúni Petropavldaǵy Internatsional kóshesi, 21 mekenjaiyndaǵy 5 qabatty jataqhanada gaz ballony jaryldy.
Eki adam qaza taýyp, 15 adam aýrýhanaǵa jetkizildi.
SQO densaýlyq saqtaý basqarmasy baspasóz qyzmetiniń málimetinshe, keshe sol úidiń turǵyndary - eki adam aýrýhanadan shyǵaryldy.
Qazir jansaqtaý bóliminde jatqandar joq, úsh adam palatada em alyp jatyr.
