Petropavlda «Rai» meimanhana-kesheni órtenip, órt sóndirýshiler 30 adamdy evakýatsiialady, dep habarlaidy "Ult aqparat".
Soltústik Qazaqstan oblysy tótenshe jaǵdailar departamenti baspasóz qyzmetiniń málimetinshe, 101 pýltine Petropavldaǵy N.Nazarbaev kóshesi 221 mekenjaiynda ornalasqan meimanhana-kesheninde órt shyqqandyǵy jóninde habarlama saǵat 9-dan 18 minýt ketkende túsken. «Rai» meimanhana-kesheni 5 qabatty turǵyn úidiń, burynǵy jataqhananyń birinshi qabatynda ornalasqan.
Oqiǵa ornyna jedel jetken órt sóndirýshiler arnaiy baspaldaqpen 30 adamdy, sonyń ishinde 5 balany evakýatsiialady. Meimanhanadan 2 adam ózdiginen qaýipsiz jerge shyqty.
Órtti sóndirý barysynda mamandar 50 litrlik gaz ballonyn alyp shyqty. Saǵat 10.30 shamasynda órt tolyq sóndirildi. Zardap shekkender joq.
Mamandardyń aitýynsha, órt keshenniń saýnasynan shyqqan. 15 sharshy metr aýmaq zaqymdandy. Aldyn ala boljam boiynsha, órt - otty abaisyz paidalanýdan shyqqan. Ázirge naqty sebebi men kelgen shyǵyn mólsheri belgisiz.
