Petropavlda sý basýy yqtimal jerlerdiń tizimi jasaldy, dep habarlaidy "Ult aqparat".
Petropavlda qalalyq ákimdiktiń apparattyq keńesi ótip, áleýmettik jelide kóptiń talqysyna túsken qańǵybas ittermen kúres, kóshelerden qar shyǵarý máseleleri qaraldy. Qala ákimi Bolat Jumabekovtiń aitýynsha, qańǵybas itterdi aýlaý jumystary toqtaǵan emes. Jyl basynan 700-den astamy aýlanǵan. Qala turǵyndaryna, ásirese, mektep oqýshylaryna qaýip tóndiretin iesiz janýarlar oblys ortalyǵynda jeterlik. Qańǵybas itter Jumysshy men Zarechnyi kentterinde kóp shoǵyrlanǵan. IKOMEK-109 dispetcherlik qyzmetine kún saiyn turǵyndardan shaǵym túsip, veterinariialyq qyzmet ótinimder boiynsha jumys isteidi. Budan bólek it ielerine jaýapsyzdyq úshin 335 hattama toltyrylǵan.
Apparattyq keńeste Petropavldan qar shyǵarý máselesi de nazardan tys qalmady.
Petropavl qalalyq ákimdiginiń málimetinshe, abattandyrý erejelerine sáikes kásipkerler biznes nysandarynyń ainalasyndaǵy bes metr aýmaqty jinaýy tiis. Alaida, bul jumys tiisti deńgeide atqarylmai otyr.
«Jergilikti politsiia qyzmetine kásipkerlermen jumys isteý kerek. Olarǵa irgeles aýmaqty kútip ustaý men olardyń jaýapkershiligi boiynsha túsindirý-aldyn alý jumystaryn kúsheitý qajet», - dedi Bolat Jumabekov.
Búginde kásipkerlik nysandarynyń 194 basshysymen túsindirý jumysy júrgizildi. Solardyń 61-i «eskertý» túrinde ákimshilik jaýapqa tartyldy.
Petropavl ákiminiń aitýynsha, sý basýy múmkin qaýipti shaǵyn aýdandar nazarǵa alynǵan. 2017-2020 jyldardaǵy taldaý negizge alynyp, sý basýy yqtimal jerlerdiń tizimi jasaldy. Qazirgi kezde oblys ortalyǵynda sý asynda qalýy yqtimal 240 úi bar.
«Petropavl kóshelerinen qar shyǵarýǵa 245 tehnika jumyldyrylǵan. 31 naýryzǵa deiin kárizderdi tazartýdy aiaqtaý josparlanǵan, búginde olardyń 85 %-y jumysqa daiyn. Barlyq drenaj sorǵylarynyń jumysy tekserildi. TKSh bólimine barlyq káriz qudyqtaryna tekserý júrgizý tapsyryldy. Sebebi aýyr tehnika qar tazalaǵan kezde qaqpaqtar ashylyp ketýi múmkin. Budan bólek, júrginshiler joly men trotýarlarǵa sebiletin qum-tuz qospasynyń kólemi arttyrylmaq», - deidi Petropavl ákimi Bolat Jumabekov.
