Petropavlda saiajai ýchaskeleri túgendelip, olardyń 600-den astamynyń iesiz jatqandyǵy anyqtaldy, dep habarlaidy QazAqparat.
Petropavl qalalyq ákimdiginiń málimetinshe, oblys ortalyǵynda jer qatynastary bóliminiń mamandary baý-baqsha seriktestikteriniń tóraǵalarymen birge júieli túrde jumys istep, bos jatqan jer ýchaskelerin anyqtap jatyr. Tek biyldyń ózinde Petropavldaǵy «Vishenka», «Lesovod», Legenda», «Borki», «Romashka SK» jáne «Faza» saiajai seriktestikterinde osyndai iesiz 644 ýchaskeni anyqtady. Olardyń barlyǵy esepke alyndy.
Bul jumystar 2019 jyldan beri júzege asyp keledi. Osydan eki jyl buryn 107 ýchaske anyqtalsa, byltyr iesiz jyljymaityn múlik retinde 90 ýchaske tirkeldi.
«Buǵan deiin men qala mańynda baqsha egýdi saqtap qalý úshin barlyq ýchaskelerge túgendeý júrgizýdi tapsyrǵan bolatynmyn. Biyl 644 jer ýchaskesi anyqtalyp, iesiz jyljymaityn múlik retinde esepke qoiyldy. Qazirdiń ózinde qala turǵyndarynyń ieligine baqshamen ainalysýǵa 285 ýchaske berildi. Barlyq rásimder tegin júrgiziletinin ekenin atap ótkim keledi», - deidi Petropavl qalasynyń ákimi Bolat Jumabekov.
2019 jyly qalalyqtarǵa baý-baqsha seriktestikterinen 161, byltyr 164 jer ýchaskesi tegin úlestirildi.
Mamandardyń aitýynsha, qazirgi ýaqytta Petropavlda saijai ýchaskeleriniń sany 47 myńnan asady. Iesiz jer ýchaskelerin anyqtaý jumystary aldaǵy jyldary jalǵasady.
