Petropavlda bala zorlady degen kúdikke ilingen er adam ustaldy, dep habarlaidy "Ult aqparat".
Politsiia departamentiniń baspasóz qyzmetiniń habarlaýynsha, kúdikti bir kún buryn, keshki saǵat on shamasynda ustalǵan.
Er adam qalalyq politsiia basqarmasynyń ýaqytsha ustaý izoliatoryna qamaldy.
«Jas balaǵa qatysty jasalǵan seksýaldyq sipattaǵy zorlyq-zombylyq áreketteri» qylmystyq baby boiynsha sotqa deiingi tergeý amaldary júrip jatyr.
Eske sala keteiik, Petropavlda bir apta ishinde bala zorlaýdyń eki faktisi tirkeldi.
«Eki jaǵdaida da kúdiktiler «izi sýymai» ustaldy. Qazir istiń barlyq mán-jaiyn tolyq ári jan-jaqty, obektivti zerdeleýge baǵyttalǵan qajetti tergeý júrip jatyr. Nátijesi boiynsha protsessýaldyq sheshim qabyldanady. Ózge aqparat QR qylmystyq-protsestik kodeksiniń 201-babyna sáikes aitylmaidy», - dep tolyqtyrdy baspasóz qyzmeti.
Qylmystardyń tergelýi politsiia departamenti men oblystyq prokýratýra basshylyǵynyń erekshe baqylaýynda. Árbir is boiynsha protsess prokýrory anyqtalǵan.
