©Sputnik / Elena Berejnaia
Petropavlda alǵashqy qar jaýdy, dep habarlaidy Sputnik Qazaqstan.
Bir-eki kún buryn ǵana qalada 28-29 gradýs jyly bolyp, turǵyndar jeńil kiimmen júrgen. Al búgin, 27 qyrkúiek tańerteń alǵashqy qar tústi. Aýa temperatýrasy nól gradýsqa deiin tómendedi. Qazir de qar aralas jańbyr jaýyp tur, biraq qar tez erip ketip jatyr. Kúndiz qalada úsh gradýs jyly bolady dep boljanýda.
©Sputnik / Elena Berejnaia
Turǵyndardyń úileri de sýytyp ketti, dese de JEO-da bolǵan apatqa qaramastan, jylý berý maýsymy ýaqytynda bastaldy. Eń aldymen áleýmettik nysandar men turǵyn úilerge jylý qosylady.
"Qazirgi tańda stantsiiada tórt qazan agregaty jumys istep tur, taiaýda besinshisi qosylady. Bul qyrkúiekte qajetti temperatýra rejimin qamtamasyz etý úshin ábden jetkilikti. Qazan aiynda jabdyqty jóndeýden kezeń-kezeńmen shyǵarý jáne gaz arnalaryn qosý kestesin eskersek, stantsiiada toǵyz qazandyq jumys isteidi. Otyn qory da normativtik kólemde – 119 myń tonna", - dedi "Sevkazenergo" AQ baspasóz qyzmeti.
©Sputnik / Elena Berejnaia
Jylý birinshi balabaqshalarǵa, mektepter men aýrýhanalarǵa beriledi. Sodan keiin kópqabatty úiler qosylady. Al qalǵan tutynýshylar úshin ornalasqan aýmaǵy men nysannyń jylý maýsymyna daiyndyq pasporty ról oinaidy.
Energetikter búkil qalany jylýmen 10 qazanǵa deiin qamtamasyz etýdi josparlap otyr.
