Petropavlda esirtki saýdasyn uiymdastyrǵan er adam 560 doza marihýana, gashishpen ustaldy, dep habarlaidy "Ult aqparat".
Soltústik Qazaqstan oblysy politsiia departamenti baspasóz qyzmetiniń málimetinshe, esh jerde jumys istemeitin 29 jastaǵy petropavldyq politseilerdiń nazaryna úsh ai buryn ilikken. Jedel ýákilder jas jigittiń esirtki saýdasyna qatysy bar-joǵyn anyqtaý úshin jumys júrgizdi.
24 naýryz kúni tártip saqshylary jigitti Petropavldaǵy páterinde ustady. Onda ósimdik salynǵan paket pen oramalar alyndy. Saraptama qorytyndysyna sáikes alynǵan zattar marihýana jáne gashish bolyp shyqty. Marihýananyń jalpy salmaǵy 1,5 keli, bul 350 doza shamasynda jáne 870 gramm gashish, bul 218 doza bolady. Ekeýi de asa iri kólemge jatady. Budan basqa 3 uialy telefon, aqsha, bank kartalary alyndy.
Sol kúni negizgi kúdiktiden esirtki satyp alyp, qala kóshelerinde saýdalaǵan 24-26 jas aralyǵyndaǵy tórt sybailasy da ustaldy. Esirtki saýdasyn uiymdastyrǵan er adam ýaqytsha ustaý izoliatoryna qamaldy. «Esirtki, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý» baby boiynsha sotqa deiingi tergeý júrgizilip jatyr.
«Negizgi kúdikti esirtki saýdasyn uiymdastyrǵanymen, ózi nashaqor emes, ózi tatyp ta kórmepti. Kúdiktimen birge onyń sybailastaryn ustaý da mańyzdy boldy. Esirtki satqany úshin 20 jyl merzimge deiin bas bostandyǵynan aiyrý jazasy barlyǵyn eske salamyz», - deidi Petropavl qalalyq politsiia basqarmasynyń bastyǵy Jandos Muqatov.
