3 sáýir kúni saǵat 00.00-de Petropavl qalasy aýmaǵyna karantin rejimi engiziledi, dep habarlaidy "Ult aqparat".
Bul týraly Soltústik Qazaqstan oblysynyń ákimi Qumar Aqsaqalov málimdedi.
«Kesheden beri bizdiń oblysta shekteý sharalary engizildi. Aýrýdyń taralý tendentsiiasy bul sharalardy belsendirek júrgizýge májbúrlep otyr. 3 sáýir kúni saǵat 00.00-de Petropavl qalasy aýmaǵyna karantin rejimin engizý sheshimi qabyldandy», - dedi oblys ákimi «QYZYLJAR» telearnasynyń tikelei efirinde.
Karantinniń basty maqsaty - virýstyń taralý tizbegin úzý.
Kósheler men jaiaýjoldarda, alańdarda rezifnektsiialyq jumys júrgiziledi. Úiler men uiymdarda sanitarlyq tazalaý kúsheiedi. Barlyq qoǵamdyq oryndar, saiabaqtar men skverler jabyq.
«Petropavl qalasyna kirip-shyǵý 1 sáýirden beri shektelgen. Turǵyndar áli de qalaǵa kirip-shyǵa alady. Búgin túnde avtokólik qozǵalysyn tolyǵymen toqtatamyz. Qala mańy avtobýstary toqtatylady. Qalalyq qoǵamdyq kólik te tolyǵymen toqtaidy», - dedi ákim.
Aita keteiik, qazir oblysta koronavirýs juqtyrǵan 7 adam tirkeldi.
