Koronavirýsqa qarsy vaktsinadan qaitys bolǵan adam joq. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy QazAqparat.
«Qazirgi tańda koronavirýsqa qarsy vaktsinadan qaitys bolǵan adam joq. Almatyda turatyn áriptesimiz týraly habardy biz de tekserdik. Eń aldymen ministrlik atynan áriptesimizdiń týma-týystaryna kóńil aitamyz. Ekinshiden, ol vaktsina alǵannan keiin 2 kúnnen soń úiinde qulap qalyp, qaitys bolǵan. Sot-meditsinalyq saraptama júrgizilip jatyr. Almaty qalasynda qazir úlken komissiia quryldy. Máiitti qaraǵan kezdegi alǵashqy saraptamaǵa sáikes, «júrektiń ishemiialyq aýrýynan qaitys boldy» delingen diagnoz bar. Ary qarai komissiia tekseredi. Sondyqtan qazir bul ólim koronavirýsqa qarsy vaktsinaǵa bailanysty dep aita almaimyz», - dedi vitse-ministr Ortalyq kommýnikatsiialar qyzmetindegi brifing barysynda BAQ ókilderiniń saýalyna orai.
Onyń atap ótýinshe, koronavriýsqa qarsy vaktsina saldyrǵannan keiin janama áser bolsa, ol 30 minýttyń ishinde baiqalady.
«Al bul eki kún ótkennen keiin bolǵan jaǵdai. Sondyqtan jan-jaqty tekserilip, saraptama jasalýy tiis», - dedi Ajar Ǵiniiat.
