Almaty oblysy Panfilov aýdany Penjim aýylynda jappai tóbelesten zardap shekken oqýshynyń jaǵdaiy aýyr, - dep habarlaidy QazAqparat.
«2005 jyly týǵan naýqas 27 qazanda Panfilov aýdanaralyq kópsalaly aýrýhanasyna kelip tústi. Naýqas ashyq bas súiek-mi jaraqatyn alǵandyqtan jalpy jaǵdaiy aýyr. Diagnoz: midyń aýyr ashyq jaraqaty. 2-3 dárejeli travmatikalyq shok alǵan», - deidi Almaty oblystyq densaýlyq saqtaý basqarmasy baspasóz qyzmetiniń ókili Láilim Áýbákirova.
Esterińizge sala keteiik, ótken táýlikte Panfilov aýdanyndaǵy Penjimde oqýshalar arasynda jappai tóbeles bolǵanyn habarlaǵan bolatynbyz.
Almaty oblystyq politsiia departamenti baspasóz qyzmetiniń resmi aqparatyna sáikes, atalǵan fakti boiynsha QR QK 293-babynyń 2-bóligi boiynsha qylmystyq is qozǵaldy.
