1 maýsym - Halyqaralyq Balalardy qorǵaý kúnine orai 29 mamyr kúni Pediatriia jáne balalar hirýrgiiasy ǵylymi ortalyǵynyń bir top dárigerleri men Asfendiiarov atyndaǵy Qazaq ulttyq meditsina ýniversitetiniń balalar aýrýlary kafedrasynyń mamandary Ile aýdanyndaǵy balalardy tegin qarady. «Pediatriialyq desant» qaiyrymdylyq sharasy Almaty oblysy, Ile aýdanynyń «Almaty Contact logistic» bazasynda ótti.
Pediatriia ortalyǵy mamandary atalmysh holding qyzmetkerleriniń balalaryn qarap, keńesterin berdi. Dárigerler bir jastan -17 jasqa deiingi barlyǵy 100-den astam balany qarap, densaýlyqtaryn tekserdi. Qyzmetkerler balalaryn nevrolog, pediatr, oftalmolog, hirýrg, gastroenterolog, gematolog jáne t.b.mamandarǵa kórsetip, júrektiń, ish qýysy músheleriniń jáne búirektiń ýltradybystyq zertteýinen tegin ótýge múmkindik aldy.
Meditsinalyq tekserý kezinde balalar densaýlyǵynan anyqtalǵan negizgi kinárattar - anemiia, kórý ótkirliginiń nasharlaýy, ish qatý, tis kariesi, skalioz, allergiialyq aýrýlar, gadjetterdiń áserinen júike júiesiniń buzylýy, sondai-aq júrek-tamyr júiesiniń patologiialary. Qosymsha tekserilý men qaralýdy qajet etetin balalar Pediatriia jáne balalar hirýrgiiasy ǵylymi ortalyǵyna emdelýge jiberildi.
«Pediatriia ortalyǵy jyl saiyn Halyqaralyq Balalardy qorǵaý kúnine orai dástúrli túrde túrli aktsiialar ótkizedi. Biyl biz «Almaty Contact logistic» holdinginiń ótinishimen, sol mekemede qyzmet jasaityn mamandardyń balalaryn qaraýdy sheshtik. Bul kompaniia ult saýlyǵyna asa zor mán beredi. Atalmysh kompaniia bizdiń ortalyqqa balalardy qaraýǵa, diagnostika jasaýǵa qajetti, óte qymbat turatyn meditsinalyq qural-jabdyqtardy alyp berýge, bizdiń ortalyqtyń zerthanasyn jóndeýge úlken kómegen tigizgendigin atap ótkim keledi. Búgin holding qyzmetkerleri barlyq qabyldaýlar men ýzilerden tegin ótkenderi úshin dán rizashylyqtaryn bildirýde. Biz de kómegimizdi tigizgendigimizge tántimiz», dedi Aqyly diagnostikalyq keńes berý bóliminiń meńgerýshisi, gastroenterolog-dietolog dáriger Alfiia Nazarova.
