Búgin Pediatriia jáne balalar hirýrgiiasy ǵylymi ortalyǵynda Halyqaralyq balalardy qorǵaý kúnine orai, qaterli dertke jáne sirek kezdesetin aýrýlarǵa shaldyqqan balalar úshin «Bar meiirimimiz balalarǵa!» atty merekelik shara ótti.
Aitýly merekege arnalǵan sharany Pediatriia ortalyǵynyń Basqarma tóraǵasynyń ǵylymi jáne innovatsiialyq qyzmetter jónindegi orynbasary Liazat Manjýova ashyp, barsha qaýymdy kele jatqan Balalar kúnimen quttyqtady. Jazdyń alǵashqy kúnimen tuspa-tus keletin Balalar merekesimen sonymen qatar, PBHǴO respýblikalyq Balalar onkologiiasy jáne gematologiia ortalyǵynyń jetekshisi Gúlnar Ábdilova, «Halyq» qaiyrymdylyq qorynyń direktory Baǵynbek Shýnkeev, Maqan Esbolatov atyndaǵy Ishki ister ministrligi Akademiiasynyń ókili Indira Shamshieva quttyqtap, aqjarma tilekterin bildirdi.
Merekelik shara «Mármár» óner ortalyǵy oqýshylarynyń oryndaýyndaǵy kúmbirlegen kúimen ashyldy. Merekege Uly Abai óńiriniń belgili ánshileri Dastan Qaliqanuly, Bolatbek Ysqaq, Shynbolat Uzaqbai, Erkebek pen Áliia Áýkenovalar arnaiy qatysyp, án shashýlarymen balalarǵa merekelik kóńil-kúi men qýanysh syilady. Pediatriia ortalyǵynda em alyp jatqan balalardy qoldaýǵa «Melisa Brand» stýdiiasynyń ánshisi Áziza Nurbaqytqyzy, «Kinder» horeografiialyq ansambli men «Baglan Abdraim» óner ortalyǵynyń jas ónerpazdary da kelip, óz ónerlerin pash etti. Kópshilikti Maqan Esbolatov atyndaǵy Ishki ister ministrligi Akademiiasy kýrsanttarynyń óneri tánti enti. Olardyń oryndaýynda patriottyq ánder shyrqalyp, arnaiy fleshmob kórsetildi.
Balalar úshin túrli móltek film keiipkerlerimen fotosessiialar uiymdastyryldy. Qazaqstandyq qor birjanyń demeýshiligimen kelgen animatorlar búldirshinderdiń kóńilin kóterip, túrli oiyndar oinady.
Merekelik shara sońynda demeýshiler tarapynan barsha balaǵa syilyqtar taratyldy.
Shara barysynda Pediatriia ortalyǵynyń №2 onkogematologiia bóliminde em alyp jatqan balalardyń ata-analary sóz sóilep, barsha demeýshilerge alǵystaryn bildirdi.
Pediatriia ortalyǵynda em alyp jatqan barlyq balaǵa zor densaýlyq, mol baqyt, baqytty balalyq shaq, qýanysh pen shattyqqa toly jarqyn ómir tileimiz! Balalar merekesi qutty bolsyn!
Aýyr dertke shaldyqqan balalarǵa mereke, qýanysh syilap, aty jaman aýrýdy jeńýge degen senim uialatýǵa umtylǵan sharanyń psihologiialyq kómegi zor dep bilemiz.
Bul tarapta merekelik sharaǵa atsalysqan barsha demeýshilerge alǵysymyzdy bildiremiz! Biyl balalar úshin mereke Qazaqstan qor birjasy, «Amila», «Halyq» qaiyrymdylyq qorlary, QR Ishki ister ministrligi Akademiiasy, «Sosa Sola» jáne t.b. kompaniialardyń demeýshiliginiń arqasynda ótti.
