Pedagog tapshy óńirlerge barǵan mamandarǵa páter jaldaý jáne kommýnaldyq shyǵyndar boiynsha ótem beriledi, dep habarlaidy QazAqparat.
Bul týraly QR Bilim jáne ǵylym ministri Ashat Aimaǵambetov Úkimet otyrysynda aitty.
«Muǵalimder jetispeitin óńirlerge úzdik pedagogterdi tartý boiynsha arnaiy baǵdarlama ázirlenedi. Óńirlerdegi pedagogterdiń tapshylyǵy jáne bilim berý salasyndaǵy úlken alshaqtyq baiqalatyn óńirlerge taldaý júrgizildi», - degen ministr pedagog tapshy óńirlerge eń úzdik túlekter tartý úshin yntalandyrý sharalary qarastyrylǵanyn aitty.
«Osy pedagogterge arnaiy áleýmettik qoldaý sharalary usynylady. Sonyń ishinde jalaqyny arttyrý boiynsha tiisti koeffitsent belgileý, turatyn úiiniń tólemin óteý nemese kommýnaldyq qyzmetter tólemin óteý siiaqty yntalandyrý sharalary qarastyrylýda», - dedi Ashat Aimaǵambetov.
Eske salsaq, Memleket basshysy Qasym-Jomart Toqaev keshegi ótken Májilistiń jalpy otyrysynda muǵalim tapshy óńirlerdiń máselesin sheshýdiń jańa tásilin usynǵan bolatyn.
«Uly Ahmet Baitursynuly aitqandai, muǵalim – mekteptiń júregi. Sondyqtan men muǵalimder tapshylyǵy bar óńirlerge úzdik pedagogtardy tartýdyń arnaiy qoldaý paketteri bar arnaiy baǵdarlamasyn ázirleýdi tapsyramyn», - degen edi Prezident.
