QR Kásipodaq federatsiiasynyń ókilderi «Pedagog mártebesi týraly» zań jobasyna qatysty pikir bildirdi, dep habarlaidy QazAqparat.
«Usynystarymyzdyń kóbi zań jobasyna engizildi. Biz óz usynysymyzda ustazdardyń oqý júktemesin azaitý máselesin kóterdik. Joba boiynsha, orta mektepterde ustazdardyń bir aptalyq oqý júktemesi 18 saǵattan 16 saǵatqa azaidy. Ustazdardyń kásibi jumysyna aralaspaý týraly, ustazdardy kóptegen tekseristerden, qaǵazbastylyqtan bosatý týraly usynys aittyq. Mektepte jumys isteitin magistr dárejesi bar ustazdarǵa 10 ailyq eseptik kórsetkish kóleminde qosymsha tólemaqy tóleýge usynystar aittyq», - deidi Qazaqstan bilim jáne ǵylym salasy qyzmetkerleriniń kásipodaq uiymy tóraǵasynyń orynbasary Aigúl Muqasheva Ortalyq kommýnikatsiialar qyzmetinde ótken brifingte.
