Pedagog mamandyǵyn tańdaǵan «Altyn belgi» iegerleri eki ese jýyq ulǵaidy. Bul týraly Bilim jáne ǵylym ministrliginiń alqa májilisinde vedomstvo basshysy Ashat Aimaǵambetov aitty, dep habarlaidy "Ult aqparat".
«Byltyrdan bastap pedagogikalyq kadrlardy daiyndaýdy arttyrý maqsatynda joǵary oqý oryndaryna qabyldaý talaptaryn da kúsheittik. Osy pedagogikalyq mamandyqqa myqty túlekterdi ǵana qabyldaý úshin Ulttyq biryńǵai testileýdiń buǵan deiingi shekti baly 50 bolsa, qazir ony 75 balǵa deiin kóterdik. Al osy mamandyqqa túsýdi yntalandyrý úshin bolashaq pedagogtardyń shákirtaqysy joǵarylady, qazir ol 42 myń teńge», - dedi A. Aimaǵambetov.
Osy oraida ol bul qadamdar oń nátije berip jatqanyn atap ótti.
«Pedagog mamandyǵyn tańdaǵan «Altyn belgi» iegerleri eki esege jýyq ulǵaidy. Osy mamandyqqa túsýshilerdiń ortasha baly 90-ǵa deiin jetti. Bul muǵalim mamandyǵyna myqty kadrlardyń kelýin qamtamasyz etedi. Osy reformanyń oń nátijesin kórip otyrmyz jáne bul baǵyttaǵy jumystardy jalǵastyrý kerek», - dedi vedomstvo basshysy.
