Pedagogtardan artyq esepti talap etkeni úshin 50-den astam bilim berý uiymynyń basshysy jazalandy. Bul týraly QR Bilim jáne ǵylym ministri Ashat Aimaǵambetov aityp berdi, dep habarlaidy "Ult aqparat".
«Bul baǵytta batyl sharalar qolǵa alyndy. Zań qabyldandy, norma naqty bekitildi, zańǵa qosymsha normativtik-quqyqtyq qujattar qabyldandy. Qazir barlyq protsesterdi retteýdiń naqty tetikteri bar. Qazir biz pedagogtyń kún saiyn eki qujatty ǵana toltyrýǵa mindetti ekenin bekittik, olar – synyp jýrnaly, qazir ony kópshiligi elektrondy túrde toltyrady jáne sabaq jospary. Odan basqa qujattardy muǵalim kúndelikti toltyrýǵa mindetti emes. Jylyna bir ret kúntizbelik-taqyryptyq jospar daiyndalady», - dedi A. Aimaǵambetov Ortalyq kommýnikatsiialar qyzmetinde ótken brifingte.
Sondai-aq, ministr pedagogtan artyq esep suraý boiynsha shaǵymdar kelip túskenin jáne naqty sharalar qabyldanǵanyn aitty.
«Biylǵy jyldyń ózinde osy normany buzý boiynsha bilim berý uiymdarynyń 50-den astam basshysy jazalandy», - deidi Bilim ministri.
