Pavlodar turǵyndary belgisiz parazit juqtyrǵanyn aityp, dabyl qaǵýda. Olardyń terisinen jándikter shyǵyp jatyr, dep jazady Sputnik Qazaqstan Irbistv.kz portalyna silteme jasap.
Múgedek balalardy kútip otyrǵan birneshe otbasy Aqtaýǵa shipajaiǵa barǵan. Parazitter sol jaqta juqqanyn aityp otyr.
"Bizdi bólmege jaiǵastyrǵan kezde balkonda qus uialaryn kórdik. Bir kúni balapandardyń óleksesi de boldy. Al úige qaitatyn kúni adamdardyń biri belgisiz parazit juqtyrǵanyn aityp shaǵymdanǵanyn estidik", - dedi Anna Pahomova.
Úige oralǵan soń Anna Pahomova óz denesinde de jándikterdi kórgen. Ol pavlodarlyq dárigerler kómegine júgindi. Alaida olar senbei, áieldi psihologiialyq dispanserge tekserilýge jibergen. Esh aýytqýy joq ekeni rastalǵan soń ǵana dárigerler jándikti zertteýge kirisken.
"Biraq bul salada jumys isteitin zerthanalar joq", - deidi áiel.
Zardap shekkender úi karantininde jatyr. Denesine zoodúkennen alynǵan quraldar jaǵýda. Olar naqty diagnoz ben emdeý qajet dep otyr.
