Foto: Jetisý oblysy politsiiasy
Áiel adamnyń úiinen joǵalǵan zattardyń jalpy quny 1 mln teńgeden asqan. Súiiktisi ol buiymdardy lombardqa tapsyryp úlgergen, - dep habarlaidy "Ult aqparat" Kazinformǵa silteme jasap.
Pavlodarlyq tártip saqshylary urlyq jasady degen kúdikpen 50 jastaǵy er azamatty ustady. Ol buǵan deiin páterinde birge turǵan áieldiń úiine jasyryn kirip, qymbat zattaryn oljalap ketken.
- Er adam buryn áieldiń páterinde birge turǵan, qaltasynda qosymsha kilti bolǵan. Páter iesiniń jumysqa ketkenin paidalanyp, úidi óz kiltimen ashyp kirgen. Sóitip kúzen ishikti, qos jup altyn syrǵany jáne shotland viskiin urlap ketken. Ishik pen altyn buiymdardy lombardqa ótkizip jibergen. Keltirilgen shyǵyn kólemi 1 mln teńgeden asyp otyr, - dep habarlady Pavlodar oblysy politsiia departamentiniń baspasóz qyzmetinen.
Kúdiktige qatysty sotqa deiin tergeý sharalary bastaldy. Eshqaida shyqpaý týraly qolhat alynyp, zattai dáleldemeler tárkilendi. Politsiia kúdiktiniń osyǵan uqsas ózge qylmystarǵa qatysy bar-joǵyn tekserýde.
