29 jastaǵy aǵylshyn pániniń muǵalimi Toǵjan Yntyqbaeva óziniń Instagram paraqshasynda qaiyrymdylyq sharasynyń fotolaryn jariia etti, dep habarlaidy pavlodarnews.kz.
"Barlyǵy bireýge kómektesip, jaqsylyq jasaiyq degen nietten paida boldy, – deidi janashyr muǵalim. – Meiirimdi qazaqstandyqtar 2,5 million teńge jinap berdi. Bul – 280 otbasynyń bir ailyq azyǵyna teń. Búgin biz aýyldardyń birinde 10 paketti tarattyq. Balalarǵa táttiler, eresekterge azyq-túlik berdik. Keshe 120 paket taratyldy. Barlyǵy bir tonna un, 750 keli kúrish, 750 keli qant, 250 keli tuz, kofe, tomat pen makaron satyp alyndy. Áýeli 80, keiin 40 paketti eki aýyldyń turǵyndaryna jetkizdik".
Toǵjan Yntyqbaevanyń jubaiy Azamat Jaǵyparovtyń aitýynsha, onyń jubaiy jáne qurbysy 4D kartalardy satyp, aqsha tapqan.
"Azyn-aýlaq qarjy jinap, qasietti Ramazan aiynda ony Afrikaǵa joldap, sol jaqtaǵy muqtaj jandarǵa kómek kórsetkimiz keldi, – deidi Azamat Jaǵyparov. – Biz jaily estigen Bilim ministrligi tańǵaldy. Eki qyz bir aidyń ishinde eki millionnan astam qarajat jinaǵan. Afrikadan arnaiy shaqyrtý kelip, qaiyrymdylyq jasaǵandarmen kezdesýdi qalaityndaryn habarlaǵan. Sondai-aq, olar Qazaqstan halqyna úlken rizashylyǵyn bildirdi".
Aita keteiik, Afrikaǵa baryp kelý ideia avtorlaryna 500 myń teńgege tústi. Bul kúni otbasy eki jastaǵy qyz balany tárbieleýde. Sábii týǵanǵa deiin Toǵjan Yntyqbaeva "Bilim-innovatsiia" litseiinde jumys istegen.
