Pavlodarda aliýminii zaýyty tsehtarynyń birinde silti tógildi. Kásiporyndaǵy oqiǵaǵa qurylǵylarda týyndaǵan aqaý sebep bolǵan. Óndiristik bólmeniń bir bóligine jailylyp ketken siltili eritindi zaýyt jumysshylary úshin qaýipti emes dep málimdedi, - dep habarlaidy Tengrinews.kz.
Tótenshe oqiǵanyń videosy Instagram-da paida boldy. Video kadrlarynan jumys kiimi men rezeńke etiktegi jumysshylardyń biri qara suiyqtyq jaiylǵan tsehta júrgenin kórýge bolady.
"Eritindi búkil tsehqa jaiylǵan siiaqty. Jospardy oryndaý kezinde jumysshylar kúiik jáne basqa da jaraqattar alady. Silti quramynda basqa qospalar bar. Denege tise himiialyq qospa birden kúidiredi", - delingen jazba sipattamasynda.
"Zaýyt qurylǵysynan aqaý tabyldy. Boksit sapasynyń neǵurlym joǵary kremniige ózgerýine jáne borpyldaq sazdy jynystardyń basym bolýyna bailanysty boksit litologiiasy ózgeredi. Ylǵaldyń joǵarylaýyna bailanysty boksit qatyp, qurylǵydan aqaý shyqqan kezde silti tógilgen. Shiki pýlpanyń, iaǵni siltili eritindisi bar boksittiń tógilý saldary joiylyp jatyr. Táýlik boiy arnaiy tehnika jumys isteidi",-dep túsindirdi "Qazaqstan aliýminiii" AQ baspasóz qyzmeti ókilderi.
Kompaniia zaýytta barlyq qaýipsizdik sharasy saqtalǵanyn habarlady.
"GMTs-1 ýchaskesi boksitti quiýǵa jáne shaiýǵa arnalǵan. Osy bólimde jumys isteitin qyzmetkerler qaýipsiz jumys ádisterin biledi. Qyzmetkerler jeke qorǵanys quraldarymen qamtamasyz etilgen. Zaýytta qyshqyl siltige tózimdi kiim, báteńke, rezeńke etik, qorǵanysh qolǵap jáne kózildirigi bar keshendi qorǵaý engizilgen",-dedi "Qazaqstan aliýminiii" AQ baspasóz qyzmeti ókilderi.
