Politsiia Pavlodardaǵy mektepterdiń birinde bolǵan janjal deregi boiynsha tekserý júrgizip jatyr, - dep habarlaidy Tengrinews.kz.
14 qazanda saǵat 17.26-da Pavlodar qalasynyń politsiiasyna Tkachev kóshesinde ornalasqan mekteptiń oqýshylary arasyndaǵy janjal faktisi boiynsha habarlama kelip tústi. Politsiia qyzmetkerleri úzilis kezinde saǵat 16.35-te baspaldaq alańynda 7-shi jáne 8-shi synyptardyń (2008 jáne 2009 jyly týǵan) eki oqýshysy arasynda iyq soqtyǵysýyna bailanysty janjal týyndaǵanyn anyqtady.
"Kámeletke tolmaǵandardyń biri ekinshisiniń beti men jelke aimaǵyna keńse pyshaǵymen dene jaraqatyn salǵan, sondai-aq óziniń oń qolynyń saýsaqtaryn jaraqattaǵan", - dedi jergilikti politsiia qyzmetiniń aǵa inspektory Arai Tólemisova.
Kámeletke tolmaǵandar aýrýhanaǵa jetkizilip, tekserýden keiin ekeýi de úige ambýlatoriialyq negizde jiberilgen. Jábirlenýshiniń ata-anasy aryz berýden bas tartty.
Dene jaraqatyn keltirgen oqýshynyń zańdy ókilderine qatysty QR ÁQBtK-niń 127-baby boiynsha ákimshilik is qozǵaldy.
