Pavlodar qalasynyń politseileri memlekettik tirkeý nómiriniń ornyna kóliktiń artyna "Jumabektiń bajasymyn" dep jazǵan kólik júrgizýshisin ustady, dep habarlaidy "Ult aqparat" oblystyq politsiia departamentine silteme jasap.
Resmi málimetke sáikes, 1 sáýir kúni Nazarbaev dańǵylynda "VAZ 2170" markaly kólik toqtatyldy. Onyń artqy jaǵynda memlekettik tirkeý nómiri bolmady. Kólik júrgizýshisi avtomobil nómiriniń ornyna "Jumabektiń bajasy" dep jazyp qoiǵan.
Politseiler ázilkesh kólik iesine aiyppul saldy.
"Júrgizýshiniń kóterińki kóńil-kúiine qaramastan, politseiler Ákimshilik quqyq buzýshylyq týraly kodekstiń 590-baby, 2-bólimi boiynsha ákimshilik hattama toltyrydy. Kólik iesine 10 ailyq eseptik kórsetkish (29 170 teńge – Sputnik) kóleminde aiyppul salyndy. Al avtomobil aiyppul turaǵyna qoiyldy", – deidi politsiia basqarmasynyń bastyǵy Daniiar Bek.
Onyń aitýynsha, zań barlyǵyna ortaq. Al jolda kishigirim buzýshylyqtardy da jasaýǵa bolmaidy.
"Jyl basynan beri Pavlodar qalasynda ártúrli buzýshylyqtarǵa bailanysty 535 kólik aiyppul turaǵyna toǵytyldy", – dep atap kórsetti Bek.
