Pavlodar oblysynda úiinen shyǵyp ketip, oralmaǵan jigittiń ólimine qatysty kúdiktiler ustaldy, dep habarlaidy QazAqparat Pavlodarnews.kz saityna silteme jasap.
Pavlodar oblystyq politsiia departamenti baspasóz qyzmetiniń málimetinshe, 28 jastaǵy er adamnyń denesi 20 aqpan kúni Jelezin aýdanynyń Dúiseke aýylynan 3 shaqyrym jerden tabylǵan.
- Aǵymdaǵy jyldyń 14 aqpanynda úiinen shyǵyp ketip, habarsyz ketken Kirill Kovalenkonyń máiiti tabyldy. Kirilldiń denesinde zorlyq-zombylyq belgileri bar. Qazirgi ýaqytta osy qylmysty jasady degen kúdikpen Jelezin aýylynyń úsh turǵyny ustaldy. Olarǵa qatysty Qazaqstan Respýblikasy QK 99-baby 2-bóligi boiynsha sotqa deiingi tergeý júrgizilýde. Kúdiktiler Jelezin aýdanynyń IIB-ne qamaýǵa alyndy, - delingen baspasóz habarlamasynda.
Qazirgi tańda tártip saqshylary tekserýdi bastady. Osy iske kúdiktilerdiń qylmysy anyqtalsa, olar 15 jyldan 20 jylǵa deiin bas bostandyǵynan aiyrylýy múmkin.
