Pavlodarda «Batyr» sport mektebiniń shatyry opyryla qulady. Balalar jedel evakýatsiialandy, zardap shekkender joq, dep habarlaidy "Ult aqparat" Pavlodarnews.kz-ke silteme jasap.
Tótenshe jaǵdai búgin saǵat 10:05-te bolǵan.
Óńirlik týrizm jáne sportty damytý basqarmasy basshysynyń orynbasary Nurlan Esembaevtyń aitýynsha, Kataev kóshesi, 63/1a mekenjaiy boiynsha ornalasqan «Batyr» BJSM boks zalynda shatyr qulap túsken.
- Zardap shekkender joq, - dep naqtylady Esembaev. - Zalda eshkim bolmaǵan. Tańerteń jattyǵý boldy, shatyrdyń qulaǵanyn estigen sátte balalar jedel evakýatsiialandy. Mektepte direktor men vahter boldy. Eki eden plitasy qulaǵany belgili. Onyń ne sebepti qulaǵanyn anyqtaý boiynsha komissiia quryldy. Quramyna oblystyń TJD jáne MSQB qyzmetkerleri kirdi.
Aita keteiik, ǵimarat 1984 jyly paidalanýǵa berilgen.
