20 000 AQSh dollaryn jáne 23 458 000 teńgeni Qazaqstanǵa zańsyz alyp ótpek bolǵan Qyrǵyzstan azamaty Túrkistan oblysy boiynsha memlekettik kirister departamentiniń «Atameken» keden beketinde qolǵa tústi, dep habarlaidy QazAqparat departamenttiń baspasóz qyzmetine silteme jasap.
2021 jyldyń 19-qazany saǵat 14:30 shamasynda Túrkistan oblysy boiynsha memlekettik kirister departamenti «Atameken» keden beketiniń jáne «KQJT» shekara nariady qyzmetkerlerimen birlesip, Qazaqstanǵa kirmekshi bolǵan «Volvo» júk kóligin tekserý barysynda, deklaratsiialanbaǵan aqshany anyqtaǵan.
«Atalmysh oqiǵa QR Qylmystyq kodeksinde arnaiy qaralǵandyqtan, Qyrǵyzstan azamatyna qatysty tiisti tergeý amaldaryn júrgizý maqsatynda, is Túrkistan oblystyq Ekonomikalyq tergeý departamentine joldandy», - delingen Túrkistan oblysy boiynsha Memlekettik kirister departamentiniń baspasóz qyzmeti.
