© Sputnik / Aisýlý Jýmagýlova
Pavlodar qalasynda muǵalim Whats App-ta balaǵat sóz jazǵan oqýshynyń ústinen politsiiaǵa aryz túsirdi, dep habarlaidy Sputnik Qazaqstan oblystyq politsiia departamentine silteme jasap.
Resmi málimetke sáikes, shaǵym birneshe kún buryn túsken. Mektep muǵalimi Whats App-taǵy toptardyń birinde oqýshysynyń balaǵat sóz jazyp, til tigizgenin jetkizdi. Ony basqa oqýshylar da kórgen.
Politsiia oqýshyǵa qatysty Ákimshilik quqyq buzýshylyq kodeksiniń 435-baby (Kámeletke tolmaǵan adam jasaǵan buzaqylyq) boiynsha hattama rásimdeldi. Osy quqyq buzýshylyq úshin kámelet jasqa tolmaǵan balanyń ata-anasyna nemese olardy almastyratyn adamdarǵa 7 ailyq eseptik kórsetkish (22 260 teńge) mólsherinde aiyppul salynady.
Material Pavlodar oblysynyń kámeletke tolmaǵandar jónindegi mamandandyrylǵan ákimshilik sotyna jiberildi.
Aita keteri, biyl kámeletke tolmaǵandardyń usaq buzaqylyq jasaǵany úshin 33 zańdy ókil ákimshilik jaýapkershilikke tartyldy.
