Foto: QR DSM
Pavlodar qalasynyń №1 qalalyq aýrýhanasynda 44 jastaǵy turǵynnan qaitys bolǵannan keiingi kóp aǵzalyq donorlyq operatsiia jasaldy, dep habarlaidy Ult.kz.
Respýblikalyq ortalyqtyń úilestirýimen ótken rásim nátijesinde júrek pen búirek sátti alynyp, kútý paraǵyndaǵy eki patsientke transplantatsiialandy.
Operatsiiaǵa Ulttyq ǵylymi onkologiia ortalyǵy men «UMC» korporativtik qorynyń transplantologtary qatysty. Donor otbasynyń kelisimi men dárigerlerdiń úilesimdi jumysy arqasynda eki adamnyń ómiri saqtaldy.
Qazirgi tańda elimizde 4 384 patsient aǵza kútý paraǵynda tur. Onyń ishinde:
-
3 890 eresek jáne 90 balaǵa — búirek,
-
201 eresek pen 21 balaǵa — baýyr,
-
25 eresek jáne 2 balaǵa — ókpe,
-
143 eresek pen 6 balaǵa — júrek,
-
4 eresek pen 2 balaǵa — «júrek-ókpe» kesheni qajet.
Bul jaǵdai Qazaqstanda qaitys bolǵannan keiingi donorlyq pen transplantologiia mádenietin damytýdyń ózektiligin kórsetti.
