Pavlodar oblysynda Qazaqstan Táýelsizdiginiń 30 jyldyǵy men Naýryz merekesiniń qarsańynda jastardyń jumyspen qamtylýy men áleýmettik máselelerge erekshe nazar aýdarylýda, dep habarlaidy "Ult aqparat".
«Jastardyń jumyspen qamtylýy men áleýmettik máselelerge erekshe nazar aýdarylatyn bolady. «Uzdik Maman» baiqaýy, jumys isteitin jastar arasynda saiystar, tehnikalyq kolledjder bazasynda WorldSkills óńirlik chempionat uiymdastyrylady. «Mereili otbasy», «Táýelsizdik qurdastary» jáne «Ertis Daryny» baiqaýlary ótedi. Budan basqa, bilim berý jáne zertteýshilik jobalarda tabystarǵa jetýge tyrysyp júrgen talantty jastarymyzdy ilgeriletý boiynsha sharalar uiymdastyrylady», - dedi Aqparat jáne qoǵamdyq damý basqarmasynyń basshysy Azamat Baitenov.
Onyń aitýynsha, jalpyulttyq «Mereili ister marafonynda» jyl ishinde Pavlodar oblysynyń iri ónerkásip kásiporyndary, biznes, úkimettik emes, sonyń ishinde jastar men eriktiler uiymdarynyń qatysýshylary qatysady.
«Mereitoilyq kúntizbege Jambyl Jabaevtyń 175-jyldyǵy, Qajymuqan Muńaitpasovtyń 150-jyldyǵy, Álihan Bókeihanovtyń 155-jyldyǵy, Ybyrai Altynsarinniń 180-jyldyǵy, Muqaǵali Maqataevtyń 90 jyldyǵy jáne Semei iadrolyq poligonynyń jabylǵanyna 30 jyl tolýyna orailastyrylǵan sharalar da kirdi»,- dep atap ótti A.Baitenov.
21 naýryzda Pavlodarda Ertis mańynyń týmasy, aqyn, ánshi jáne kompozitor Estai Berkimbaev eskertkishiniń ashylýy ótedi. Bul kúni Pavlodardyń Estai atyndaǵy Mádeniet saraiy men «Shańyraq» ortalyǵynda, óńirdiń basqa qalalary men aýdandarynda óskeleń urpaq arasynda dombyra tartýdy áspetteýge arnalǵan dástúrli án ortalyqtary ashylady, dep habarlady Pavlodar ákiminiń baspasóz qyzmetinen.
