Pavlodarda Toraiǵyrov kóshesindegi oiyn-saýyq mekemesinde jappai tóbeles boldy, dep habarlaidy Sputnik Qazaqstan.
Resmi málimetke sáikes, 26 mamyrda tańǵy saǵat 4.00-de jedel basqarý ortalyǵynyń inspektory beinebaqylaý kameralary arqyly jappai tóbelesti kórgen. Oqiǵa ornyna birden avtopatrýlder jiberilgen.
Tártip saqshylary tóbelesti toqtatyp, oqiǵanyń mán-jaiyn anyqtady. Janjal qyzǵanyshtan týyndaǵan. Bir qyz túngi klýbqa jigitimen birge barǵan. Ol jerde "burynǵy" jigiti de júrgen. Ekeýi sózge kelip qalyp, janjaldyń arty tóbeleske ulasty. Oǵan eki jaqtyń dostary da qosylyp ketken.
Eshkim zardap shekken joq. Politsiia barlyǵyn anyqtap, bólimshege jetkizgen. Árbireýi Ákimishilik quqyqbuzýshylyq týraly kodekstiń 434-baby ("Usaq buzaqylyq") men 437-baby ("Tynyshtyqty buzý") boiynsha jaýapqa tartyldy.
Osy áreket úshin 5 ailyq eseptik kórsetkish (15 315 teńge) kóleminde aiyppul qarastyrylǵan.
