Pavlodarda bir top jigit jappai tóbeles uiymdastyrǵan, – dep habarlaidy "Ult aqparat" Polisia.kz portalyna silteme jasap.
16 qazanda saǵat 00.54-te Jedel basqarý ortalyǵynyń beinebaqylaý kameralaryn qaraý kezinde inspektor Maral Artyqbaeva Ýsolka shaǵyn aýdanyndaǵy meiramhanalardyń birine qarama-qarsy jerde tóbeles bolyp jatqanyn baiqaǵan. Kórsetilgen mekenjaiǵa dereý avtopatrýl jiberilgen.
"Kelgen politseiler janjaldyń barlyq qatysýshylaryn ustady. Olardyń jeke basyn anytaý jáne osy buzýshylyqtyń mán-jaiyn bilý úshin Ońtústik politsiia bólimine jetkizdi. Sonymen qatar, usaq buzaqylyq jasaǵany jáne tynyshtyqty buzǵany úshin árqaisysyna qatysty QR ÁQBtK-niń 434 jáne 437-baptary boiynsha ákimshilik is qozǵaldy. Materialdar sotqa jiberildi", – dedi Pavlodar qalasy Politsiia basqarmasy bastyǵynyń birinshi orynbasary Arman Qaptaev.
