Pavlodarda belgisiz adam mektepte kózdi ashytatyn ballon shashyp, oqýshylar aýrýhanaǵa tústi. Bul týraly qalalyq tótenshe jaǵdailar basqarmasy málim etti, - dep habarlaidy "Ult aqparat" @Pavlodarnews.kz portalyna silteme jasap.
"23 qyrkúiek saǵat 11:00 shamasynda Lenin kenti Makarenko kóshesi, 14 mekenjaiyndaǵy №33 orta mektepte belgisiz bireý 2-qabattyń dálizine buryshty ballon shashqan", - dedi basqarma basshysynyń orynbasary Tilekjan Galliamov.
Mektep ǵimaratynan 672 oqýshy evakýatsiialanyp, 15 bala oblystyq balalar aýrýhanasyna jatqyzylǵan.
Oqiǵa ornynda eki jedel járdem kóligi, alty politsiia qyzmetkeri jáne Pavlodar qalasynyń tótenshe jaǵdailar basqarmasy jumys istep jatyr.
