Pavlodar qalasynda politsiia «Boryshker» operatsiiasyn bastady, dep habarlaidy "Ult aqparat".
«Pavlodar qalasynda 26 naýryz ben 2 sáýir aralyǵynda «Boryshker» jedel-aldyn alý sharasy ótkizilip jatyr», - dep habarlady baspasózge Pavlodar oblystyq politsiia departamentinen.
Quqyq qorǵaý organdarynda operatsiianyń «nóldik tózimdilik» qaǵidasyn, jolda ereje buzǵany úshin jazanyń qoldanylmai qalmaýyn qamtamasyz etýdi jáne buzýshylardyń aiyppuldardy tóleýge jaýapkershilikpen qaraýy úshin ótkizilip jatqanyn atap ótti.
«Pavlodar qalasynyń politsiiasy ákimshilik quqyqbuzýshylyqtar úshin jeti millionnan astam aiyppul tóletti, jeti kólik arnaiy turaqqa qoiyldy. Mysaly, júrgizýshisi 218 myń teńge kóleminde ákimshilik aiyppul tólemegen «VAZ» markaly kólik toqtatylyp, aiyppul tólegenshe arnaiy turaqqa qoiyldy», - dedi Pavlodar qalasy politsiia basqarmasy bastyǵynyń birinshi orynbasary Nurǵali Omarbekov.
Pavlodar qalasynyń politsiia basqarmasy júrgizýshilerdi ákimshilik aiyppuldardy ýaqytynda tóleýge shaqyrdy.
