Foto:depositphotos.com
Pavlodarda týǵan anasy besinshi qabattan laqtyryp jibergen eki balanyń biri kóz jumdy, - dep habarlaidy Ult.kz Tengrinews.kz tilshisine silteme jamsap.
Bala ólimi týraly Pavlodar oblysyndaǵy bala quqyqtary jónindegi ýákil Sáýle Shakenova Instagram-paraqshasyndaǵy storiste habarlady.
"Ókinishke qarai, dárigerlerdiń bar kúsh-jigerine qaramastan, kishkentai uldyń júregi toqtap qaldy", – dep jazdy ol.
Bul aqparatty Pavlodar oblystyq balalar aýrýhanasy da rastady. Onda dárigerler eki kún boiy sábidiń ómiri úshin kúresken.
"1 tamyzda balanyń jaǵdaiy (2024 jyly týǵan - esk.) kún boiy óte aýyr jáne turaqsyz boldy. Keshke qarai jaǵdaiy nasharlap, saǵat 20:10-da júregi toqtady. 20:40-ta qaitys bolǵany rastaldy", – dep habarlady aýrýhana ókilderi.
