Ol № 5512 áskeri bóliminen keshe saǵat 6:30 shamasynda ketip qalǵan bolatyn, dep habarlaidy Pavlodarnews.kz.
Bul týraly Ulttyq ulannyń «Shyǵys» óńirlik qolbasshylyǵy málimdedi.
- Merzimdi qyzmettegi áskeri qyzmetshi Elýbaev saǵat 00:30 shamasynda qyzmetin ótep jatqan 5512 áskeri bólimine óz erkimen keldi, - dedi QR Ulttyq ulanynyń «Shyǵys» óńirlik qolbasshylyǵynda. -Qazirgi ýaqytta áskeri bólimdi óz betinshe tastap ketýiniń sebepteri men jaǵdailary anyqtalýda. Tolyǵyraq qosymsha habarlaimyz.
Eske sala keteiik, Aqmola oblysynan shaqyrylǵan merzimdi qyzmettegi qatardaǵy jaýynger Tamerlan Elýbaev senbi, 3 sáýir saǵat 06:30 shamasynda áskeri bólimnen óz erkimen ketken bolatyn.
«VITA» izdeý jasaǵynyń eriktileri men Pavlodar oblysynyń áskeri-tergeý organdary sarbazdy birge izdegen bolatyn.
