Foto: instagram.com/rupr.pvlshakeneva
Pavlodarda 12 jasynda ana atanǵan qyz týraly jańa málimetter shyqty. Ony Oblystyq bala quqyqtary jónindegi ýákil Sáýle Shákenova áleýmettik jelidegi paraqshasynda jariialady, dep habarlaidy "Ult Aqparat".
Onyń aitýynsha, ol Bala quqyqtary jónindegi ýákil Dinara Zakievanyń tapsyrmasy boiynsha jas ana turatyn Galkino aýylyna barǵan.
Qyzdyń otbasy 2019 jyly Pavlodarǵa Mońǵoliiadan týystarynyń shaqyrtýymen eki balasymen kóship kelgen. Elge kelgesin taǵy 3 bala dúniege kelgen. Qazirgi ýaqytta anasy kenje balasyn baǵyp, dekrettik demalysta otyr. Anasy hat tanymaidy, tek óz esimin ǵana jaza alady. Al ákesinde 6 jyldyq bilim bar kórinedi. Arnaiy bilimi joq, mektepte pesh jaǵady eken.
Olar úlken qyzynyń boljamdy júktiligi týraly 2024 jyldyń 3 sáýirinde mektep muǵalimderinen bilgen, sol kúni zańdy ókilderdiń ruqsatymen júktiliktiń faktisin rastaityn ýltradybystyq zertteý júrgizildi.
Qyz dereý dárigerlerdiń baqylaýymen aýdandyq aýrýhanaǵa ornalastyryldy, onda ol 2024 jyldyń 19 shildesine deiin boldy.
Aýrýhanada mektep basshylyǵy oqý jylynyń sońyna deiin onlain oqytý uiymdastyrdy.
3 jarym ai boiy aýrýhanada bolǵan bolashaq anaǵa kiim, aiaq kiim, sabyn-jýý jáne azyq-túlikpen meniń jáne mekteptiń pedagog-quramynyń jeke qarajaty esebinen qamtamasyz etilgen.
"Negizgi mindet erte júktiliktiń sátti aiaqtalýy boldy. Nátijesinde salmaǵy 3360 g deni saý qyz dúniege keldi. Apgar shkalasy boiynsha 9-10 ball. Oblystyq perinataldyq ortalyqtan shyǵarylǵannan keiin sábi ananyń sábiimen birge odan ári ornalasýy týraly másele jaqyn arada sheshiletin bolady. Qyzdyń ákesi de , anasy da jynystyq zorlyq-zombylyq faktisi týraly bilmegen. Qazirgi ýaqytta olar kúdiktiniń otbasymen týystyq qatynastar toqtatyldy dep málimdeidi. Mektep ákimshiligi kámeletke tolmaǵan balanyń júktiligi, sondai-aq oǵan qatysty jynystyq zorlyq-zombylyq týraly ýákiletti jáne quqyq qorǵaý organdaryna dereý habarlady", -dep otyr Sáýle Shákenova.
