Pavlodar qalasynyń turǵyny kompaniialarǵa salyq tóleýden jaltarýǵa kómektesip kelgen, memleketke keltirilgen shyǵyn – 500 mln teńge. QazAqparat bul týraly QR Qarjylyq monitoring agenttigine silteme jasap habarlaidy.
«Qarjylyq monitoring agenttigi elimizdiń barlyq óńirlerinde qarajatty qylmystyq jolmen qolma-qol aqshaǵaainaldyrý derekteriniń jolyn kesýde.
Agenttiktiń Pavlodar oblysy boiynsha aýmaqtyq departamenti jalǵan shot-faktýralardy jazyp berý deregi boiynsha Pavlodar qalasynyń turǵyny O.Shipiloǵa qatysty qylmystyq isti aiaqtady.
O.Shipilo buryn sottalǵan A. Kolesnikovpen aldyn ala sóz bailasý arqyly úsh jyl boiy josyqsyz kompaniialarǵa salyq tóleýden jaltarýǵa kómek kórsetken.
Zańǵa qaishy shemaǵa ol óz baqylaýyndaǵy 3 jalǵan firmany qatystyrǵan:«Prizma Pliýs» «Konektgrýpp» jáne «Solmir» JShS», - delingen taratylǵan habarlamada.
Osylaisha memleketke tólenbegen salyqtar túrinde 500 mln teńgeden astam somaǵa zalal keltirilgen. O.Shipola 4,5 jylǵa bas bostandyǵynan aiyryldy.
