Bilim berý, mádeniet mekemeleri, sondai-aq birqatar oblyctaǵy kósheler men basqa da nysandar jańa ataýlar alady. Búgin, mádeniet jáne sport ministrliginde ótken otyrysta respýblikalyq onomastika komissiiasy tiisti sheshimdi qabyldady, dep habarlaidy "Ult aqparat".
Atap aitqanda, komissiianyń qaraýyna memlekettik organdardan barlyǵy 182 ótinish kelip túsken, onyń ishinde bilim jáne ǵylym ministrliginen, Aqmola, Aqtóbe, Batys Qazaqstan, Jambyl, Qostanai, Pavlodar, Soltústik Qazaqstan jáne Túrkistan oblystarynyń, sondai–aq Shymkent qalasynyń ákimdikteri bar.
Sonymen qatar komissiia Pavlodar pedagogikalyq ýniversitetine ǵalym Álkei Marǵulannyń esimin berý týraly usynysty qoldady.
«Qazirgi ýaqytta onomastika komissiiasy aýqymdy da mańyzdy jumystar atqaryp jatyr. Ózderińiz biletindei, buryn jańa oblystardy ataýǵa, Qapshaǵai ataýyn Qonaev dep ózgertýge jáne t.b. qatysty mańyzdy sheshimder qabyldanǵan bolatyn, munda qaralǵan máseleler jergilikti turǵyndardyń pikirin eskerip, máslihattardyń sheshimimen qabyldanady», - dep atap ótti Mádeniet jáne sport ministri Dáýren Abaev.
Otyrys qorytyndysy boiynsha komissiia músheleri nysandardy qaita ataý týraly usynysqa oń qorytyndy berdi. Jaqyn arada komissiianyń qorytyndysy daiyndalyp, zańnamaǵa sáikes jumystardy júrgizý úshin ýákiletti memlekettik organdarǵa jiberiledi.
