Pavlodar oblysynyń Bas memlekettik sanitarlyq dárigeri jańa qaýly qabyldady, dep habarlaidy "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Jańa qaýly talaptaryna sáikes, Pavlodar oblysynyń ákimdigi, oblys qala men aýdan ákimderi, memlekettik organ, uiym, kásipkerlik sýbektileriniń, zańdy tulǵalardyń basshylary ashyq jáne jabyq ǵimarattarda kórinisti, otbasylyq, oiyn-saýyq, ujymdyq, korporativtik, saltanatty (banketter, úilený toilary, mereitoilar, as berý) is-sharalaryn jáne adamdar kóp jinalatyn ózge de is-sharalardy ótkizýge, sondai-aq jeke úi-jailar men qurylymdardy buqaralyq korporativtik jáne basqa sharalardy ótkizý úshin jalǵa alýǵa tyiym salýy kerek.
Sondai-aq oiyn-saýyq mekemeleriniń (karaoke, biliard, qorqor bólmeleri, kompiýter klýbtary, oiyn klýbtary, býkmeker keńseleri, loto terminaldary bar obektiler, túngi klýbtar, boýling ortalyqtary) qyzmetine tyiym salynady. Fýdkorttardyń, banket zaldarynyń da jumys isteýine bolmaidy.
Al qalaaralyq, aýdanaralyq avtobýs, shaǵyn avtobýs jolaýshylar tasymalynyń jumysyna ruqsat.
Sondai-aq keńesterdi, (otyrystardy) QR BMSD №68 Qaýlysynyń talaptaryn eskere otyryp, qashyqtan formatta ótkizý múmkin emes ekendigi dáleldengen jaǵdaida kózbe-kóz ótkizýge, mádeniet obektileriniń 50 adamnan aspaityn jaǵdaida (daiyndyqtar) qyzmetine, BMSD №67 qaýlysynyń talaptaryn saqtai otyryp, syiymdylyǵyn 30%-dan asyrmai teatrlardyń, kinoteatrlardyń jumysyna, BMSD №67 qaýlysynyń talaptaryn saqtai otyryp, kitaphanalardyń, mýzeilerdiń qyzmetine, kúsheitilgen sanitariialyq-dezinfektsiialyq rejimdi saqtai otyr, ashyq aýada attraktsiondardyń qyzmetine ruqsat etilgen.
Qaýlynyń tolyq mátinimen myna jerden tanysýǵa bolady.
